广府茶，潮汕茶
发布时间：2011-04-22 14:33:00
来源：福建茶叶网
编辑：福建茶叶网
今个星期六，茶叶行业举办“全民饮茶日”，教大家拣茶品茶嘅同时，亦以茶会友，共度一个悠闲周末。
广州人“饮茶”可谓饮到全国知名。外地朋友来访，行程多数都会有呢个项目。但饮茶究竟饮乜，每个外地人都有唔同理解。有时我带佢哋上茶楼食虾饺烧卖，佢哋会话：“啊？唔系关公巡城韩信点兵咩？”
其实亦难怪外地朋友误会。因为呢句话，本身就反映出广州文化嘅多样性。广东文化主要有三大体系，分别系广府文化、潮汕文化同客家文化。广州系广府文化核心地带，又系美食之都，提起饮茶，始终不离饮饮食食。广府饮茶嘅“茶”，系一壶一水一撮茶叶，从头到尾叶片始终浸泡喺水中，冲到无味，就叫服务员加水加茶叶。此外，广府饮茶必带点心，经典款有虾饺、烧卖、牛肉球、肠粉、叉烧包、凤爪、蒸排骨……
而潮汕文化嘅代表之一工夫茶则属于品茶雅道，有“关公巡城韩信”等十几廿道工序，务求将茶叶色、香、味发挥到极致。工夫茶叶唔会浸好耐，冲完即斟，一般可以冲三泡。茶道亦唔包括点心，所以会越饮越饿。
两种饮茶，从制式到内涵都有好多区别。不过，由于广州系广东省会，八方来聚，兼容并蓄，唔少潮汕人定居于此，不但带来工夫茶道，亦令茶馆遍地开花。有啲广府茶楼更将两种饮茶方式结合，可以一盅两件，亦可以加少少钱买包靓茶叶品尝功夫茶。潮汕茶道广府化，就令部分外地朋友搞错啦。
更多资讯来源于福建茶叶网www.fjtea.cn
广州人“饮茶”可谓饮到全国知名。外地朋友来访，行程多数都会有呢个项目。但饮茶究竟饮乜，每个外地人都有唔同理解。有时我带佢哋上茶楼食虾饺烧卖，佢哋会话：“啊？唔系关公巡城韩信点兵咩？”
其实亦难怪外地朋友误会。因为呢句话，本身就反映出广州文化嘅多样性。广东文化主要有三大体系，分别系广府文化、潮汕文化同客家文化。广州系广府文化核心地带，又系美食之都，提起饮茶，始终不离饮饮食食。广府饮茶嘅“茶”，系一壶一水一撮茶叶，从头到尾叶片始终浸泡喺水中，冲到无味，就叫服务员加水加茶叶。此外，广府饮茶必带点心，经典款有虾饺、烧卖、牛肉球、肠粉、叉烧包、凤爪、蒸排骨……
而潮汕文化嘅代表之一工夫茶则属于品茶雅道，有“关公巡城韩信”等十几廿道工序，务求将茶叶色、香、味发挥到极致。工夫茶叶唔会浸好耐，冲完即斟，一般可以冲三泡。茶道亦唔包括点心，所以会越饮越饿。
两种饮茶，从制式到内涵都有好多区别。不过，由于广州系广东省会，八方来聚，兼容并蓄，唔少潮汕人定居于此，不但带来工夫茶道，亦令茶馆遍地开花。有啲广府茶楼更将两种饮茶方式结合，可以一盅两件，亦可以加少少钱买包靓茶叶品尝功夫茶。潮汕茶道广府化，就令部分外地朋友搞错啦。
更多资讯来源于福建茶叶网www.fjtea.cn
我来评鉴
